Swatantrata

 

Sabarmati ke Sant the, ya Netaaji the Bangaal ke.
Vidroh kar li thi azadi, ya binn khadag binn Dhaal ke.
Swatantrata Andolano mein, Gupt  Kuch Mat’Bhed Bhi Hain.
Itihaas ke in Kaagazo mein, Gupt Laakhon Bhed Bhi Hain.
Gupt Hain Kucch Kahaaniya,  jo na Kabhi Sunaayi Gayi.
Gupt Hain Kucch Kahaaniya,  jo Jaan-kar Dabaayi Gayi.

Ahinsa par Kaayart ki Poshaak Chadakar Bethe The,
Ahinsa ka Ard Arth Wo Desh Mein Gaakar Bethe The.  
Netaaji ne Gaur Kiya, Unhe Baat Yahi Bas Khattki Thi.
Ahinsa ke Iss Ardh Shlok par, Azaadi Meri Attki Thi.
Sab Gaal Pe Thappad Khaakar, Dooja Aage Karne Wale The.
Netaa ji Thappad Khaate Na, Wo Thappar Jaddne Wale The.
Hind Azaad Karaane ko German-Japan ko Jod’diya
Hitler se Samjhauta kar Angrezo ko Jhanjhod’diya.

Baagheecho mein, Gulabho ke,
Jab Nehru ji Rehte Mann Mauj The.
Netaaji Tab Netaaji Nahi, Wo Azaad Hind Fauj The. 
Ghabrate Angrezo ne Socha ke Ab Kya Chook Hui.
Koi Charkha na Chala, ab Mastak par Bandook Hui.
Sadko par Utre Senaani, Senaao ne Vidroh Kiya.
Jal aur Thal Senaaon ko Netaaji ne Sammoh Kiya.
Khoon ke Badle Azaadi Dene ki Usne Thaani Thi.
Sena ka Vidroh Dekh Congress bhi Paani Paani Thi.

Rajneeti ke Daao Pech Mein, Netaa ji kaheen Kho Gaye.
Pradhan Mantri va Rashtrapita Fir Nehru Gandhi Ho Gaye.

[Sabarmati ke Sant the, ya Neta ji the Bangal ke.
Vidroh kar li thi azaadi, ya binn khadag binn dhaal ke.]
Ahinsa Parmo Dharmaha, Dharm Hinsa Tathaiv Ch.
Iska Aadha Arth Lia aur Poore Bharat bhar Becha.
Bikhra Hua Tha Haunsla, Dono Gaal Par Chaanta Tha.
Shekhar ne Fir Hinsa ko Hinsak Hokar Hi Kaata Tha.
Bismil ji ke Netritv Mein, Looti Rail Kaakori Mein.
Kaala Dhann Agrezo ka Phir Daala Bori Bori Mein.
Bheeshan Vissphot ki Bani Yojna,  Bhagat Singh Bhi Raazi The.
Dhamm dhamm Goonj Uthi Dharti, Shekhar ki Atishbaazi se.

Angrezo ki Laathi se Punjab Kesari Ghaayal The.
Aur Ye Teen Deewane Bhi Azaad Hind pe Kaayal The.
Pratishod Lene ki Thaani  Lala ji ko fir Uphaar Diya.
Ek Angrezi Afsar ko Fir Maut ke Ghat Utaar Diya.
Saamraajye ki Neev Hili Ab Gore Firse Danng Huye.
Ye Ahinsak Charkhe Pal Bhar Mein Kaise Hud’dang Huye.

Ahinsa ka Jisne Marg Chuna, Unka Bhi Hum Samman Karein.
Par Ye Desh Azaad Nahi Hota, Binn Khadag Bina Dhaal Dhare.
Itihaaso ka Ek Ansh to, Balidaano ke Naam karein
Kyuki Ye Desh Azad Nahi Hota, Binn Pistol Binn Talvaar Dhare.

[Sabarmati ke Sant the, ya Neta ji the Bangal ke.
Vidroh kar li thi azaadi, ya binn khadag binn dhaal ke.]
Kaayarta ko Kursi, Veeratv ko Vanvaas Mila.
Netaji ko Gumnaami, Nehru ko Sabkuch Khaas Mila
Kaayarta ne Aish Kari, Veeratv ko Kya Khaak Mila..
Savarkar ko Badnaami, Jinna ko Poora Paak Mila.
Koi to Puche  Itihaason ki Neev Kahan Buniyaad Kahan Hai?
Koi to Puche Itihaaso Mein Chandr Shekhar Azaad Kahan Hai?
Koi to Puche Ekdin Kaala Paani Kohraam  Kahan?
Koi to Puche Itihaaso Mein Saavarkar ka Naam Kahan?
Koi to Puche Utha Purn Swaraajye ka Oobaal Kahan?
Koi to Puche Itihaaso Mein Lal, Bal aur Pal Kahan?
Koi to Puche Maksad Kya tha Chacha aur Sanyaasi ka?
Koi to Puche Kya Kaaran tha Bhagat Singh ki Phaansi ka?
Koi to Puche Bharat Maa ka Aanchal Kisne Kaata Tha?
Koi to Puche Bharat ko Tukdo Mein Kisne Baanta Tha?
Koi to Puche Bharat ko Dharmo Mein Kisne Baanta Tha?

                                                                                                              -Written By Milind Panwar